“Sento già il dolore della separazione dall’amico che non ho ancora visto!”   (R. Tagore)

……………………………………………………………………………………………………..………………

‘U VIAGGIU.

–   Ma tu non sì Amhed?

–   Si Jussuf, io sugnu! Puru tu cca?

–   E già. Malirittu a quannu fu! Aveva raggiuni me matri quannu mi riceva: “Jussuf, ‘nzignati a natari e ‘nzignati puru   ‘u sicilianu, ‘nzamà un jornu … non si po’ mai sapiri!”

–   E tu chi facisti, ti ‘nzignasti tutti cosi?

–   Ma quannu mai, fijurati s’ascutava a me matri! E poi cu ddu ‘nfernu chi c’era strati strati, cu tutti chi sparavanu a tutti, fu già ‘na furtuna chi nuddu mi ‘nzirtau!

–   Veru è, puru io ma scanzaiu e me matri, mischinedda, si vinnìu puru l’occhji pi mi paiari ‘u viaggiu supra a dda varca tutta scuncassata.

–   Puru tu eri dda supra? Non ti visti, unn’eri jittatu?

–   Era aggiuccatu versu ‘u funnu, vicinu a ddu gran curnutu chi mi futtiu i sordi e cu quattru cchiù disgraziati i mia, chi quasi m’assufficavunu pi quantu mi strincevunu.

–  E’ veru, erumu fuddati comu sardi salati. Puru io, chi mi truvava ra parti davanti, stava assuficcannu. Ma quant’erumu i putisti cuntari?

–   No, ma a sienzu miu erumu almenu tri/quattrucentu e si penzu chi dda supra avissiru statu striti già ‘na cinquantina, mi veni ‘i chianciri.

–   Puru io penzu comu a ttia, ma tant’è … però quannu luntanu vìstimu ‘i primi luci, non mi parsi veru chi stavumu arrivannu.

–  Ma poi chi successi quann’erumu quasi a ripa ‘i mari? Cu fu ch’addumau ddu fuocu?

–   Ma chi nni sacciu! Pari chi cu ddu scuru vulevanu fari a viriri chi stavamu arrivannu e accussì…

–   Accussì ni truvammu tutti a muoddu. “Si tocca, si tocca” si misuru a vuciari e io, babbu babbu, ci critti e mi jittaiu. Acqua a tutti i banni, mi cummigghiau, mi sintiiu persu e pinzaiu a me matri, raggiuni avìa: m’aveva a ‘nzignari a natari!

–   Tale a quali a mmia. Mi sintiiu sbattiri ‘nta l’acqua senza sapiri di cu e poi … poi non capiiu cchiù nenti. Ora m’arritrovu cca, stinnicchiatu supra ‘a rina, certu corcunu mi ci purtau.

–   Mih,varda quantu semu! Ma secunnu tia, ora chi succeri?

–   No sacciu, ma sintiiu diri a ddui chi stavanu aspittannu i sacchi niuri pi nuautri.

–   Pi nuautri? Forsi pi putirinni cummigghiari e livarini du l’umidu. Io sugnu tuttu vagnatu e friddu comu ‘n pezzu ‘i marmu, e tu?

–   Puru io, spiramu ch’arrivanu prestu sti sacchi accussì … ah, cca sunu, arrivaru. Ehi a ttia tu, pirchì ‘u stai chiurennu accussì strittu? Sugnu ‘o scuru, Jussuf chi succeri?

–   Nenti Amhed, quetati, è l’ura chi s’havi a stutari a luci e mettiti  ‘u cori ‘npaci …non s’adduma cchiù!

Accussì finiu ‘u viaggiu.

 

…………………………….con infinita tristezza  Enrico “Testavacanti ”  Izzo ……………………………

……………………………… TRADUZIONE ……………………………………………….……..

IL VIAGGIO.
– Ma tu non sei Amhed?
– Si  Jussuf, sono io! Pure tu qua?
– E già. Maledetto quel giorno!  Aveva ragione mia madre quando mi diceva: “Jussuf, impara a nuotare e impara anche il siciliano, non sia mai un giorno … non si può mai sapere!”
– E tu che hai fatto, hai imparato tutto?
– Ma quando mai, figurati se davo ascolto a mia madre! E poi con quell’inferno che c’era per le strade, con tutti che sparavano a tutti, è stata già una fortuna se nessuno mi abbia colpito.
– E’ vero, anch’io me la sono scansata e mia madre, poverina, s’è venduta pure gli occhi pur di  pagarmi il viaggio su quello sconquassato barcone.
– Pure tu eri la sopra? Non ti ho visto, dov’eri buttato?
– Ero accovacciato verso il fondo, vicino a quel gran cornuto che mi ha fregato i soldi e con quattro, più disgraziati di me, che quasi mi soffocavano da come mi stringevano.
– E‘ vero, eravamo serrati come sarde salate. Anch’io, che mi trovavo nella parte anteriore, mi sentivo soffocare. Ma quanti eravamo li hai potuti contare?
– No, ma a parere mio eravamo almeno 3/400 e se penso che là sopra sarebbero stati stretti anche una cinquantina, mi viene da piangere.
– Anch’io la penso come te ma tant’è … ma quando in lontananza vedemmo le prime luci non ci sembrava vero  stessimo arrivando.
– Ma poi che successe quando eravamo quasi a riva? Chi accese quel fuoco?
– Ma che ne so! Sembra che con quel buio  volevano far vedere che stavamo arrivando e così …
– Così ci siamo trovati tutti a mollo! “Si tocca, si tocca!” iniziarono a gridare ed io, stupidamente, ci credetti e mi tuffai. Acqua dappertutto che mi coperse, mi sentii perso e pensai a mia madre: aveva ragione, dovevo imparare a nuotare!
– Tale e quale a me. Mi son sentito sbattere in acqua senza sapere da chi e poi … poi non capii più nulla. Ora mi ritrovo qua, disteso sulla sabbia, certo qualcuno mi ci ha portato.
– Miseria, quarda quanti siamo! Secondo te ora che succede?
– Non lo so, ma ho sentito parlare due tipi che dicevano che stavano aspettando dei sacchi neri per noi.
– Per noi? Forse per poterci coprire e toglierci dall’umido. Io sono bagnato fradicio e freddo come un pezzo di marmo, e tu?
– Anch’io, speriamo arrivino presto questi sacchi così … ah, ecco qua, sono arrivati. Ehi tu, perché lo stai chiudendo così stretto? Sono al buio, Amhed che succede?
– Niente Jussuf, stai calmo, è l’ora di spegnere la luce e mettiti il cuore in pace … non s’accenderà più!

Così finì il viaggio.