Aspittannu.

………………..

Fa friddu e l’umidu di ddu fossu ch’è ‘a trincea ti trasi tuttu  ‘nta ll’ossa, ma Santinu è cuntentu e la so cuntintizza si la voli spàrtiri cu ‘Ntoniu, ‘ u megghiu amicu so.

“Mih, mancu si fussi festa granni! ‘Ntoniu, ma ti nni renni cuntu? Pasta cu sucu, carni, pani biancu … e puru un gammellinu di cordiali. Propriu ‘n serviziu chi ‘nguanti bianchi!”

“Niuri, su ‘nguanti niuri!”

“Chi veni a diri ‘Ntoniu? Forsi chi … ma tu non stai manciannu! Chi fa, non ti piaci o non hai pitittu?”

“Santinu, ma no capisci? No sai chi veni a diri tuttu chistu? Ni stannu sirvennu l’urtima manciata, comu si fa chi cunnannati a morti!”

“Va ‘Ntoniu, chi va pinzannu, non babbiari! Havi tri misi chi manciamu bruragghia e sputamu sangu, ma i crucchi non arrinisceru a passari e allura …”

“… ni jincunu a panza, n’annegghianu ‘u ciriveddu cu cordiali e ni mannanu ‘o macellu comu si fussi ‘na festa ‘i ballu. Ci manca sulu l’urtima sicaretta e … ‘u cuntu è cuntatu!”

Santinu ‘u varda cu  l’occhi spirdati e ‘a vucca aperta, alluccatu, e cu ‘na furchittata ‘i pasta ‘nta’allaria, mentri luntanu cumincia a truniari. Ma ‘u tempu non porta acqua, è tempu ‘i morti.

“Te cca, chistu t’u manna ‘u cumannanti pi premiu!”

Santinu agghjsa l’occhi e viri ‘a manu ru capurali chi ci proi un menzu sucarru. Non parla, havi ‘a vucca sicca e, mentri stenni ‘a manu, si  vota a taliari ‘Ntoniu cu l’occhi chjni ‘i maravigghia. L’amicu, cu la gavetta ‘nmanu, si susi e si ci v’assetta a latu.

“Chi fa, ci criristi? Varda chi stava babbiannu!”  fa ‘Ntoniu “E poi chistu è ‘n sucarru, non ‘na sicaretta perciò … rammi ‘n sorfaru va, chi fumamu!”

Assittati, unu all’atu a l’autru, si misiru a fumari vardannu ‘u cielu chi, chianu chianu, si stava annigghiannu e i trona erunu sempri cchiù forti e vicini e ‘u fumu di sucarri stava … ma chistu non era fumu di sucarru!

” ‘U gas! ‘U gas! Prestu ‘i maschiri!”

Parsi ch’arrivò ‘u finimunnu! Fu ‘n curriri sarvaggiu senza sapiri unni, vuciannu comu pazzi e poi ….

Ninuzzu ‘a canuscia bona sta storia eppuru, vardannu a so nonnu ora mutu e cu l’occhi chi taliavanu ‘u nenti, c’addumannò:

“E poi chi fu nonnu?”

“Oh gioia mia, fu ‘nu ‘nfernu tintu e poi … nenti cchiù! M’arrivigghiaiu vardannu quattru stiddi misiriusi ‘n cielu chi parevanu affruntusi ‘nfacci ‘a luna chjna. Visti allura puru tanti fantasimi ianchi chi si cataminavanu ‘nmenzu a tanti picciotti stinicchiati ‘nterra e … m’arrivurdaiu: Santinu!! Mi livaiu dda maschira chi mi stava assufficannu e ‘u visti. Era dda, assittatu ‘nterra, senza maschira e cu menzu sucarru ‘nmanu. Aveva l’occhi spirdati e ‘a vucca menza aperta, pareva chi dumannassi ‘u pirchì.”

Ora erunu lucidi l’occhi di nonnu ‘Ntoniu poi, strincennu ‘na manu du niputi parlò:

“Mu fai ‘n piaciri, Ninuzzu? ‘Nta iarzana c’è ‘na lannuzza vecchia attaccata cu spagu, pigghiamilla pi favuri.”

Quannu l’appi ‘nte manu ‘a iaprìu, rintra c’erunu du menzi sucarri accuminzati. Cu ‘na menza risatedda ruci-amara, ni pigghia un menzu e fa:

“Havi cchiù ri sittant’anni chi staiu aspittannu, ora ‘u tempu è chiddu giustu. Ninuzzu mi pigghji i sorfari?”

Quannu turnau nonnu ‘Ntoniu, ca testa appuiata ‘nta seggia sdraiu, ‘a lannuzza supra i rinocchia e cu menzu sucarru ‘nta manu,  rurmeva sirinu. Ninuzzu surridiu e, araciu araciu, pigghiannu ‘a lannuzza, c’aggiustò a cupirtedda  e …  capìu!

Nonnu ‘Notoniu ora era  cu Santinu e ‘nzemmula putevunu, finalmenti, fumarisi ddu menzu sucarru … ‘n santa paci!

……………………………..

 

……… Con affetto  Enrico Izzo, in arte “Testavacanti”! …….

Traduzione.

L’attesa.

………….

Fa freddo e l’umido di quel buco che è la trincea ti entra tutto nelle ossa, ma Santino è contento e la sua gioia vuole condividerla con Antonio, il suo migliore amico.

“Mih, neanche se fosse giorno di grande festa! Antonio, ma te ne rendi conto? Pasta col sugo, carne, pane bianco … e pure un gavettino di cordiale. Proprio  un servizio in guanti bianchi!”

“Neri, sono  guanti neri!”

“Che vuol dire Antonio? Forse che … ma tu non stai mangiando! Che c’è, non ti piace o non hai appetito?”

“Santino, ma non lo capisci? Non sai cosa vuol dire tutto questo? Ci stanno  servendo l’ultimo  pasto, come si fa con i condannati a morte!”

“Su Antonio, che vai pensando, non scherzare! Sono tre mesi che mangiamo brodaglia e sputiamo sangue, ma i crucchi non sono  riusciti a passare e allora ….”

“… ci riempiono la pancia, ci annebbiano il cervello con il cordiale e ci mandano al macello come se fosse una festa da ballo. Ci manca solo che ci offrano l’ultima sigaretta e il quadro è completo!”

Santino lo guarda con gli occhi sbarrati e la bocca aperta, stordito, e con una forchettata di pasta a mezz’aria, mente si comincia a sentire tuonare lontano, ma il tempo non porta pioggia, è tempo di morte.

“Toh, prendi! Questo te lo mando in premio il comandante!”

Santino alza gli occhi e vede la mano del caporale che gli porge mezzo sigaro. Non parla, ha la bocca secca e, mentre stende la mano, si volge a guardare Antonio con gli occhi colmi di meraviglia. L’amico, con la gavetta in mano, si alza e va a sedersi accanto lui.

“Che fa, c’hai creduto? Guarda che stavo scherzando!” fa Antonio, “e poi questo è un sigaro non una sigaretta perciò … su, dammi un fiammifero che ce lo fumiamo.”

Seduti, uno accanto all’altro, si misero a fumare guardando il cielo che, pian piano, si stava annuvolando e i tuoni si sentivano più vicini e più forti e il fumo dei sigari stava … ma questo non era il fumo dei sigari!

“Il gas! Il gas! Presto  le maschere!”

Parve la fine del mondo! Fu un correre selvaggio, disordinato, gridando come pazzi e poi …”

Ninetto conosceva bene tutta la storia eppure, guardando il nonno che stava muto e con lo sguardo perso nel vuoto, domandò:

“E poi che successe nonno?”
“Oh gioia mia, fu un inferno! E poi … più nulla. Mi svegliai guardando in cielo quattro miserevole stelle, quasi vergognose di fronte alla luna piena. Vidi allora dei “fantasmi bianchi” che si muovevano in mezzo a tanti ragazzi stesi per terra e … mi ricordai: Santino! Mi tolsi quella maschera che mi stava soffocando e lo vidi. Era là, seduto per terra e col mezzo sigaro in mano. Aveva gli occhi sbarrati e la bocca aperta, sembrava stesse chiedendo il perché.”

Ora nonno Antonio ha gli occhi lucidi poi, stringendo la mano del nipote, parlò:

“Me lo fai  un favore Ninetto? Nell’armadietto a muro c’è una vecchia lattina legata con lo spago, prendimela per favore.”

Quando l’ebbe in mano l’aprì, dentro c’erano due mezzi sigari iniziati. Con un sorrisino dolce-amaro ne prende una metà e dice:

“Sono più di settant’anni che sto aspettando, ma ora è giunto il giusto momento. Ninetto, mi prendi i fiammiferi?”

Quando tornò, nonno Antonio, con la testa appoggiata alla sdraio, la lattina sulle ginocchia e il mezzo sigaro in mano, dormiva sereno. Ninetto sorrise e, pian piano, prendendo la lattina gli sistemò la copertina e … capì!

Nonno Antonio ora era con Santino e, finalmente, potevano fumarsi insieme quel mezzo sigaro … in santa pace!